7-р сарын 5-нд Хаврын чуулганыг хааж, 16-аас Үндсэн хуулийн өөрчлөлтийн 2-р хэлэлцүүлгийг хийнэ
Монгол Улсын Ерөнхийлөгч Үндсэн хуулийн өөрчлөлтийг наадмын өмнө яаран хэлэлцэх шаардлагагүй. Наадмын дараа хэлэлцэх нь зүйтэй гээд Үндсэн хуулийн өөрчлөлтийг хэлэлцэх УИХ-ын чуулганы нэгдсэн хуралдаанд өөрийн биеэр оролцоно гэдэг саналаа эрх баригчдад хүргүүлсэн юм.
Ерөнхийлөгчийн уг саналыг МАН бүлгийн хурлаараа авч хэлэлцээд дэмжжээ. Ингэснээр Үндсэн хуулийн өөрчлөлтийн төслийн хоёрдугаар хэлэлцүүлгийг наадмын дараа буюу 07-р сарын 16-аас эхлүүлэхээр тогтжээ. Харин түүнээс өмнөх ажлын өдрүүдэд Төрийн байгуулалтын байнгын хороо болон Үндсэн хуулийн өөрчлөлтийн ажлын дэд хэсгүүд хуралдах юм.
Үндсэн хуулийн өөрчлөлтийн төсөл дээр долоон байнгын хороо, ажлын дэд хэсгүүдийн хуралдаанаас нийт 100 орчим зарчмын зөрүүтэй санал гаргажээ. Эдгээрийг нэгтгэх, цэгцлэх, томъёолох шаардлага тулгарч байгаа юм.
Харин УИХ-ын Хаврын чуулганыг 07-р сарын 05-нд хааж, ээлжит бус чуулганыг нээхээр болжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.