БНХАУ: Олон нийтийн газар цамцаа сөхөж гэдсээ гаргахыг хориглов
Аагим зуны халуун өдрүүдэд Хятадын ихэнх хотуудад уурын жигнүүр шиг л халдаг. Хэт халуунд сэрүүцэхийн тулд хятад эрчүүд майк, подволк, цамцныхаа хормойг хумин гэдсээ гаргах нь нийтлэг үзэгдэл. Үүнийг Бээжин бикини гэж нэрлэх ба зарим хотуудад олон нийтийн газар ингэж явахыг хориглолоо.
Шандон мужийн Жинан нэртэй 8,7 сая оршин суугчтай хотод олон нийтийн газар гэдсээ гаргалгүй заавал цамц, майкаа бүрэн өмссөн байх дүрмийг эрх баригчид танилцуулав. Өдөртөө цельсийн 36 хэм хүртэл халдаг тус хотод дундаж насны эрчүүд олон нийтийн газарт салхилж амрахдаа цээж нүцгэн явах нь хэвийн тохиолдол байжээ.
Жинан хотын захиргаа эрчүүдийн энэ байдал бүдүүлэг үйлдэл төдийгүй хотын өнгө үзэмжийг дордуулж байна гэж үзэв. Түүнчлэн Тяньжин хотод тавдугаар сараас хойш Бээжин бикини хэв маягаар гэдсээ гаргаж цээжин биеэ нүцгэлсэн эрчүүдийг долоон ам.доллараар торгодог болжээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.