Япон: Кроса далайн шуурганы улмаас нислэгүүдийг цуцалж, иргэдийг нүүлгэн шилжүүлж байна
Японы өмнөд нутгийн Шикоку арлыг өнөөдөр Кроса далайн шуурга дайран өнгөрнө гэж цаг уур судлаачид мэдэгдлээ. Хар салхины үеэр хөрс гулсаж, ширүүн бороо орж байгаа тул олон зуун нислэгүүдийг цуцалсан байна. Бүс нутгийн 400,000 иргэнийг нүүлгэн шилжүүлэхээр болсон ба галт тэрэг, хурдны төв замуудыг хаажээ.
Зуны амралт эхэлж зорчигч тээврийн хэрэгслүүд ачаалал ихтэй байгаа энэ үед 700 нислэг цуцлагдсан байна. Кроса нь халуун орны шуурга ба хар салхины дараа орох хэмжээний хүчтэй шуурдаг. Үерлэсэн голын сав орчимд 18 хүн усанд боогдсон тухай мэдээлжээ.
Япончуудын өвөг дээдэстээ хүндлэл үзүүлдэг уламжлалт Бон баяр тохиож байгаа тул ар гэрийнхнээ зорьсон сая сая иргэн зорьсон газартаа хүрч чадаагүй байна. Шикоку арлаас гадна Токио, Осака, Хирошима, Фукуокагийн баруун өмнөд нутаг дэвсгэрийг холбосон Шинкансен хурдан галт тэрэг саатсан байна. Мөн далайн эргийн нөхцөл байдлаас шалтгаалж Шикоку арлын усан тээврийг зогсоожээ.
Шуурганы улмаас Дэлхийн хоёрдугаар дайнд бууж өгсөн өдөрт хүндэтгэл үзүүлэх арга хэмжээнүүд зарим хотуудад цуцлагдсан байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.