ВИДЕО: Армид элсэхийн тулд 15 жил ургуулсан үсээ тайруулжээ
Энэ жил 23 настай Рейнальдо Арройо найман настайгаасаа хойш 15 жилийн турш үсэндээ огт хайч хүргэлгүй ургуулжээ. Тэр армид элсэхийг хүссэн тул үсээ тайруулахаас өөр аргагүй болсон байна.
Солт лейк хотын цэргийн батальоны Facebook хуудсанд энэ тухай нийтэлжээ. Арройо удаан хугацаанд ургуулсан үсээ тайрсан ч армид элсэж байгаадаа үнэхээр баяртай байна гэжээ.
Эх орныхоо төлөө амь хайргүй тэмцэхээр явган цэргийн ангид нэгдсэн залуу 15 жилийн турш ургуулсан үсээ Locks of Love төрийн бус байгууллагад хандивлажээ. Түүний хандивласан үсээр хорт хавдрын эмчилгээ болон бусад үс унагадаг эмгэг өвчнөөр өвдсөн хүүхдүүдэд зориулсан хиймэл үс хийх юм байна. “Тиймээс миний үсийг хэн нэг хөөрхөн охин авах байх” хэмээн инээмсэглэн ярьжээ.
АНУ-ын арми элсэгчдэд үсээ багасгах хатуу шаардлага тавьдаг. Цэргүүдийн үс чих, хөмсөг, дүрэмт хувцасны заханд хүрэх ёсгүй, толгойн хэлбэрийг харуулсан байхыг шаарддаг.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.