“Гарден Сити” хорооллын барилгаас унасан залуу сэхээнд байгаа гэв
ХУД-ийн дөрөвдүгээр хороо, “Гарден сити -2” хотхоны 1402 дугаар блокийн барилгын ажилд ашиглахаар угсарсан Zoomlion үйлдвэрийн ТС 7525-16D маркийн цамхагт краны бэхэлгээний боолтууд тасарч унасны улмаас тус барилгад ажиллаж байсан Э гэмтэн эмнэлэгт хүргэгджээ.
Зургаан давхар буюу ойролцоогоор 18 метрийн өндрөөс унасан Э-гийн биеийн байдал маш хүнд сэхээн амьдруулах тасагт байгаа гэдгийг эх сурвалж хэллээ.
“Гарден сити-2” тансаг зэрэглэлийн хотхоныг “Мэжик инвест” ХХК-ийн захиалгаар “Конкрет харш” ХХК-ийн барьж байгаа бөгөөд уг компаниудад Эрүүгийн хуулийн 183 дугаар зүйлд заасны дагуу эрүүгийн хэрэг үүсгэн ХУД-ийн цагдаагийн хэлтэст үргэлжлүүлэн шалгаж байгаа аж. Уг хорооллыг захиалагч “Мэжик инвест” ХХК нь Шагдарсүрэнгийн Энхбаяр гэх ганцхан хүний эзэмшилд байдаг юм байна. Бид энэ хэргийн талаар эргэн мэдээлэх болно.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.