Шатсан усан онгоц дээр аавынхаа төрсөн өдрийг тэмдэглэж байсан гэр бүлийн таван хүн байжээ
АНУ-ын Калифорни мужид өнгөрсөн амралтын өдрүүдэд далай доогуур шумбах аялал зохион байгуулж байсан завь шатаж 30 гаруй зорчигч сураггүй алга болоод байгаагаас 20 цогцос олдоод байна. Гурав хоног үргэлжилсэн аяллын сүүлчийн хоногт буюу даваа гарагийн үүрээр 03:30 минутад зорчигчдыг унтаж байхад гал гарснаас хөлгийн багийн дөрвөн гишүүн, ахмадын хамт эсэн мэнд үлдэж бусад аялагчид амь насаа алдсан болон сураггүй алга болжээ.
Одоогоор олдоод буй 20 хүний цогцсыг таниулахаар мэргэжилтнүүд ажиллаж байна. 24 цагийн турш шатсан усан онгоцноос 200 км гаруй талбайд эрэл хайгуул явуулсны эцэст амьд хүн үлдсэн гэх найдвар тасарсан тул аврах ажиллагааг зогсоожээ.
Амь насаа алдсан болон сураггүй болсон иргэдийн дунд нэг гэр бүлийн таван гишүүн байсныг Стоктон хотын оршин суугч Сюзана Розас Facebook хуудсаараа дамжуулан мэдэгдсэн байна. Түүний гурван охин хойд ээжийнхээ хамт аавынхаа төрсөн өдрийн баярыг тэмдэглэж далай доогуур шумбах гурав хоногийн аялалд гарчээ. Гэвч тэд эргэж ирээгүй байна.
Сюзана Розасын охид Эван, Никол, Анжела нар хойд ээж Ферниса Сизон, аав Майкл Куйтасолын хамт шатсан онгоцон дээр байжээ. Энэ тухай цахим орчинд нийтлэхэд иргэд түүнийг дэмжиж гэр бүлд нь эмгэнэл илэрхийлжээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.