Грек: Эхнэрээ харалгүй дайрч амь насыг нь бүрэлгэжээ
Грек улсад амьдардаг Британийн гэр бүл нэгнээ харалгүй дайрч амь насыг нь хөнөөсөн хэрэг гарчээ. Британийн гэр бүл Спорадес аралд удаан хугацаанд амарч дуусаад Скайтос арал дахь гэртээ иржээ. Гэрийнхээ гадаа зогсоол дээр машинаа байрлуулах гэж байгаад эхнэрээ байгааг харалгүй дайрсан байна.
Орон нутгийн цагдаа нар хэргийг шалгаж байгаа гэжээ. Цагдаагийн төлөөлөгчийн хэлснээр 58 настай эмэгтэй газар хэвтэж байхыг харалгүй 62 настай нөхөр нь дайрч хөнөөсөн байна. Уг хэргийг осол гэж үзсэн ба орон нутгийн цагаар лхагва гарагийн шөнө 02 цаг 30 минутад гарчээ. Эмэгтэйн цуснаас согтууруулах ундаа илэрсэн байна.
Задлан шинжилгээний хариу бүрэн гараагүй, дахиад хэд хоног хүлээх шаардлагатай гэж эх сурвалж мэдээлэв. Эхнэрээ дайрч хөнөөсөн нөхрийг баривчилж саатуулаад байсан боловч шүүх хурлын шийдвэр гарах хүртэл сулласан байна.
Эх сурвал: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.