Франц: Японы жуулчин 800,000 ам.долларын үнэтэй бугуйн цагаа дээрэмдүүлжээ

Францын нийслэл Парис хотын таван одтой тансаг зэрэглэлийн зочид буудлын гадаа Японы бизнес эрхлэгч 800,000 ам.долларын үнэтэй бугуйн цагаа бусдад булаалгажээ. Японы жуулчин орой 21.00 цагийн үед "Наполеон" зочид буудлаас тамхи татахаар гарсан байна. Түүнийг тамхи татаж, салхилах үед хулгайч цагийг нь шүүрчээ.

Хохирогчийн ярьснаар үл таних эрэгтэй тамхи асуусан байна. Тамхи гаргаж өгөхөд хулгайч цагийг нь шүүрч зугтжээ. Японы иргэний хулгайчид шүүрүүлсэн цаг Ричард Милле Туэрбиллон брэндийн алмаз эрдэнийн шигтгээтэй цаг байжээ. Швейцарийн тансаг зэрэглэлийн брэндийн цаг очир эрдэнээр шигтгэсэн, мушгиа хэлбэртэй байсан гэв.

Ойрын саруудад Парис хотод үнэтэй, тансаг цагнууд хулгайд алдагдах нь их байгаа юм. Он гарснаас хойш 70 гаруй ийм төрлийн гэмт хэрэг бүртгэгджээ.

Эх сурвалж: www.cnn.com