БНХАУ руу зорчих шинэ чиглэл нээгдлээ

Монгол Улс болон БНХАУ-ын ӨМӨЗО-ны Автотээврийн төлөөлөгчдийн 2018 оны 32 дахь удаагийн ээлжит уулзалтаар хэлэлцэн тохиролцсоны дагуу “Монгол Улсын Өмнөговь аймгийн Ханбогд сумаас Гашуунсухайт-Ганц мод боомтоор БНХАУ-ын ӨМӨЗО-ны Баяннуур хотын Уртын дунд хошууны Халиут балгас” чиглэлийн улс хоорондын зорчигчдын тогтмол тээвэрлэлтийн үйлчилгээг энэ сарын 14-ний өдрөөс эхлүүлжээ.  

Тээвэрлэлтийг Монголын талаас “Жи Би Монгол транс” ХХК, БНХАУ-ын талаас “Ба Юун” ХХК-ууд гүйцэтгэнэ.

Хүндэт зорчигч үйлчлүүлэгч та бүхэнд үйлчилгээний цагийн хуваарь болон үнэ тарифыг танилцуулж байна:

Цагийн хуваарь:

-Өмнөговь аймгийн Ханбогд сумаас: Даваа, Мягмар, Лхагва, Пүрэв, Баасан гарагуудад 08:30 цагт тогтмол хөдөлнө.

-БНХАУ-ын Халиут балгасаас: Даваа, Мягмар, Лхагва, Пүрэв, Баасан гарагуудад 07:20 цагт тогтмол хөдөлнө.

Тээвэрлэлтийн зай: 275км

Тээвэрлэлтийн хугацаа: 06:40 минут

Хөдлөх цэг:

-Монголын талаас: Өмнөговь аймгийн Ханбогд сум

-Хятадын талаас: Баяннуур хотын Уртын дунд хошууны Халиут балгас

Тариф:

-Монголын талаас: Том хүн 48,000₮ Хүүхэд 24,000₮

-Хятадын талаас: Том хүн 120 юань Хүүхэд 60 юань