Нью-Йорк хотын дарга асан тэрбумтан Майкл Блумберг Ерөнхийлөгчид өрсөлдөж магадгүй
Нью-Йорк хотын 108 дахь даргаар ажиллаж байсан, АНУ-д 53 тэрбум ам.долларын хөрөнгийнхөө хэмжээгээр есдүгээрт, дэлхийн баячуудын жагсаалтад 14 дүгээрт ордог Майкл Бумберг Ерөнхийлөгчийн сонгуульд нэр дэвшиж магадгүй гэдгийг эх сурвалжууд мэдээлж эхэлжээ. Тэрээр 2020 оны Ерөнхийлөгчийн сонгуулийн анхан шатны санал хураалтад Ардчилсан намаас нэрээ дэвшүүлэхээр бичиг баримтаа бүрдүүлж байна.
Блумбергийн төлөөлөгчийн хэлснээр Алабама мужид эхлэх анхан шатны санал хураалтад материалаа бүрдүүлж эхэлсэн ч энэ жил 77 настай тэрбумтан Ерөнхийлөгчийн сонгуульд өрсөлдөх эсэхээ эцсийн байдлаар шийдээгүй гэв. Гэвч тэрээр өнгөрсөн гуравдугаар сард мэдэгдэхдээ 2020 оны Ерөнхийлөгчийн сонгуульд өрсөлдөхгүй гэдгээ хэлж байсан юм.
Улс төрд төдийгүй бизнесийн салбарт нэр хүндтэй эрхэм материалаа бүрдүүлж өгөх хугацаа энэ долоо хоногийн баасан гарагаар дуусгавар болох учир Ардчилсан нам хүчтэй нэр дэвшигчтэй болох эсэх нь удахгүй шийдэгдэнэ.
Эх сурвалж: www.theguardian.com, www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.