Гэрээсээ төөрсөн тэмээ, үхэр, илжиг гурав хамт эсэн мэнд олджээ
Зул сарын баяр болоход сар гаруйн хугацаа үлдсэн боловч зарим амьтдын хувьд арай эрт эхэлжээ. АНУ-ын Канзас мужийн жижиг тосгонд төөрч алга болсон тэмээ, үхэр, илжиг гурав хамтдаа олдсон байна.
Тэд Годдард хотоос алга болсон ба салж холдолгүй хамтдаа явж байсныг цагдаа нар хэлжээ. Тэжээвэр амьтдыг олсон Годдард хотын цагдаагийн газар эзнийг нь хайж байгаа тухай зарласан байна.
Удалгүй ойролцоох цэцэрлэгт хүрээлэнгийн ажилтан алдсан амьтдаа таньж олж авчээ. Машинд дайруулалгүй, гэрээсээ хэт холдолгүй олдсон тэмээ, үхэр, илжиг гурав ховор тохиосон эрх чөлөөтэй ч богино хугацаандаа хоорондоо салалгүй тун нөхөрсөг байсан нь олон хүнд эерэг сэтгэгдэл төрүүлсэн байна. Тэдгээр амьтад хамтдаа эсэн мэнд олдсон нь зул сарын ид шид хэмээн цахим орчинд иргэд санал сэтгэгдлээ хуваалцжээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.