Орон гэргүй байх нь гэмт хэрэг гэжээ
Унгарын эрх баригчид орон гэргүй тэнүүлчдийг олон нийтийн газарт хоног төөрүүлэхийг хоригложээ. Хэрэв гудамжинд хоногловол үндсэн хууль зөрчиж, гэмт хэрэг үйлдсэн ялтай болох юм.
Энэ долоо хоногт үндсэн хуулийн 22 дугаар заалтад орсон нэмэлт өөрчлөлтийн дагуу цагдаа нар орон гэргүйчүүдийг олон нийтийн газраас хөөсөн байна. Хэрэв шаардлагаас татгалзвал албадан олон нийтийн ажил эрхлэх, торгуулах, хоригдох ялтай гэнэ.
Эрх баригчид энэ шийдвэрээ бүх нийтийн эрх ашгийг хамгаалсан үйлдэл гэжээ. Энэ онд орон гэргүй иргэдийн хүндрэл бэрхшээлийг шийдэхийн тулд Унгарын Засгийн газар 32,000 ам.доллар төсөвлөсөн байна.
Унгар улсад 10 мянга гаруй орон гэргүй хүний бүртгэл байдаг. Гэвч тэднийг түр орогнуулах газар хүрэлцээгүй. Түр орогнох газруудад хэт олуулаа учраас зарим хүмүүс гадаа гудамжинд унтах нь илүү амар гэж үздэг байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.