“Эрдэнэс Тавантолгой” ХК-ийн хувьцаа эзэмшигчдийн хурлыг нээлттэй хуралдуулах ёстой гэв
Иргэний хөдөлгөөнүүдээс “Эрдэнэс-Тавантолгой” компанийн хувь нийлүүлэгчдийн хурлыг хууль бусаар зохион байгуулсан талаар эсэргүүцэн өнөөдөр мэдээлэл хийлээ.
Тодруулбал, “Эрдэнэс-Тавантолгой” ХК хувьцаа эзэмшигчдийн хурлыг хууль бусаар зохион байгуулж, эрх барьж буй улс төрчдийн эрх ашгийг хамгаалсан, компанийн засаглалын муу хэлбэрээр үйл ажиллагаа явуулж байгаа тул нийт хувьцаа эзэмшигч ард түмнийг энэ асуудалд анхаарал хандуулахыг тэд хүслээ. Хувьцаа эзэмшигчдийн хурал болж байхад иргэд бид үүнийг мэдэхгүй байсаар байна. Өнгөрсөн жил буюу 2017 онд “Эрдэнэс-Тавантолгой” ХК нийт 21 удаагийн гэрээ үйлдсэн, үүнд багтсан нүүрс борлуулах гэрээ нь ямар ч ашиггүй, харин эрх барьж буй хүмүүст хувьдаа мөнгө завших боломжийг нээсэн гэрээ болсон хэмээн “Нам бус иргэдийн нэгдсэн холбоо”-ны тэргүүн А.Эрдэнэбаяр ярьсан юм.
Хувьцаа эзэмшигчдийн хурал нь хэсэг бүлэг хүмүүсийн хурал бус нийт хувьцаа эзэмшиж буй монголчуудын хурал байх ёстой. Тийм учраас иргэд аль ч аймаг нутгаас ирээд хуралд оролцох боломжийг нээж өгөхийг хүсэж байна хэмээв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.