Салхитын мөнгөний ордтой холбоотойгоор 1.4 сая доллар хураажэээ
Авилга, албан тушаалтантай холбоотой томоохон хэргүүд прокурор, шүүхийн хяналтад очоод удаж байна. Ерөнхий сайд асан Ч.Сайханбилэг,С.Баяр, Сангийн сайдаар ажиллаж байсан С.Баярцогт нарын хэргийг шүүхэд шилжүүлээд бараг хагас жил боллоо. Түүнчлэн ЖДҮХС-тай холбоотой албан тушаалтнуудын хэрэг сунжирч байна. Тухайлбал, УИХ-ын гишүүн Б.Ундармаа албан тушаалаа ашиглаж “Доктор мэйк” ХХК-д 800 сая төгрөгийн зээл авсан хэргийг прокурор хянаж байна.
Мөн Салхитын мөнгөний ордтой холбоотойгоор Ш.Мөнгөншагай нарын 15 хүн шүүгч нараар ашигтай шийдвэр гаргуулахын тулд хахууль өгсөн , зуучилсан хэргийг Хан-Уул дүүргийн эрүүгийн хэргийн анхан шатны шүүхэд шилжүүлсэн. Уг хэрэгт таван шүүгчийг холбогдуулаад байгаа бөгөөд хэрэгт эд мөрийн баримтаар 1.445.200 ам.доллар хураан авсан байна.
Харин УИХ-аас баталсан хөөн хэлэлцэх хугацааг буцаан тоолох талаар “Хууль хүчин төгөлдөр болж албажсаны дараа хуулийн үндэслэл шаардлагад хамааруулж ямар хэргийг сэргээн шалгахыг шийдвэрлэнэ” гэсэн хариултыг прокурорын байгууллагаас өглөө.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.