Замын-Үүдэд тусгаарлагдсан 105 зорчигч Улаанбаатар руу хөдөллөө
Энэ сарын 12-нд Дорноговь аймгийн Замын-Үүд боомтод "Хөх хот-Улаанбаатар" чиглэлээр зорчиж байсан иргэнд коронавирусийн сэжигтэй тохиолдол илэрч, 109 хүн тусгаарласан билээ.
Шинэ коронавирусын сэжигтэй тохиолдол илэрсэн тул Хөх хот-Улаанбаатар чиглэлийн аяллын 33-р галт тэрэгний хөдөлгөөнийг зогсоож, 106 зорчигчийг тусгаарласантай холбогдуулан аймгийн Онцгой комиссын дарга Т.Энхтүвшин Замын-Үүд суманд ажиллажээ.
Ингээд өнөө өглөө 11:00 цагт ЭМЯ-наас сэжигтэй тохиолдол илэрсэн хүний шинжилгээний хариу сөрөг гарсан талаар албан ёсоор хэлсэн юм. Иймээс аймгийн Онцгой байдлын хуралдаанаар өнөөдөр тусгаарлагдсан 105 зорчигчийг Улаанбаатар хот руу явуулахаар болжээ.
Тус гал тэргэнд 105 хүн тусгаарлагдаж байснаас 14 нь хүүхэд байсан. Тусгаарлагдсан зорчигчдод 10 хоног гэрээс гарахгүй байх зөвлөмж өгчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.