Чингэлтэй дүүргийн ИТХ-ын дарга Д.Бат-Эрдэнийн өрөөг "самарчээ"
Өчигдөр/2020.02.19/ орой Чингэлтэй дүүргийн ИТХ-ын дарга Д.Бат-Эрдэнийн өрөөг "самарч", эд хогшлыг нь гаргаж хаясан ажээ. Уг үйл ажиллагааг тус дүүргийн ИТХ-ын зарим гишүүн зохион байгуулсан бөгөөд түүнийг огцруулах шаардлага бүхий хурлын тогтоолыг танилцуулахдаа ийнхүү үймээн дэгдээсэн байна.
Чингэлтэй дүүргийн ИТХ 35 төлөөлөгчийн 30 нь МАН, тав нь АН-аас сонгогдсон байдаг. Гэвч МАН-ынхан дотооддоо хагаралтай болоод уджээ. Улмаар МАН-аас сонгогдсон 19 төлөөлөгч нууцаар хуралдан ИТХ-ын даргаа огцруулах тогтоолын төсөл санаачилжээ.
Ер нь Чингэлтэй дүүрэг дэх МАН дотооддоо ийм талцал, маргаантай болоод багагүй хугацаа өнгөрч байгаа. Иймд Чингэлтэй дүүргээс сонгогдсон УИХ-ын гишүүн Д.Ганболд, Чингэлтэй дүүргийн ИТХ-ын дарга Д.Бат-Эрдэнэ нарыг намын Бага хурлын гишүүнээс нь өнгөрсөн онд түдгэлзүүлсэн байдаг.
Тэднийг Чингэлтэй дүүргийн МАН-ын хорооны гишүүдийн зүгээс УИХ-ын гишүүн Д.Ганболд, Чингэлтэй дүүргийн ИТХ-ын дарга Д.Бат-Эрдэнэ нарыг удаа дараа намынхаа дүрмийг зөрчсөн гэж үзэн, Хяналтын хороондоо гомдол гаргажээ
.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.