Зөвшөөрөлгүй асрамжийн газар нэн ядуу 22 иргэнийг асарч байсныг тогтоожээ
Өнөөдрийн байдлаар нийслэлийн хэмжээнд 662 сүм хийдийн үйл ажиллагааг энэ сарын 30-ны өдрийг дуустал түр зогсоох захирамж гарсан билээ.
Захирамжийг хэрэгжүүлэх хүрээнд тусгай зөвшөөрөлгүй, хууль бус үйл ажиллагаа явуулсан 46 сүм хийдийг илрүүлсэн. Түүнчлэн салбар сүм байгуулсан мөртлөө үйл ажиллагааг нь холбогдох газарт бүртгүүлээгүй зөрчил гарсан байна.
Тухайлбал, Хан-Уул дүүргийн 6 дүгээр хороонд үйл ажиллагаа явуулдаг “Ватиканы католик шашны төлөөлөгчийн газрын харьяа МС Тереза эх ахмадын асрамжийн төв” нь албан ёсны бүртгэлгүй үйл ажиллагаа явуулж байсныг илрүүлжээ. Гэвч уг асрамжийн төвд нэн ядуу амьдралтай, харж хандах орон гэргүй 22 иргэнийг байрлуулан асрамж халамжийн үйлчилгээ явуулж байгаа боловч холбогдох байгууллагаас зөвшөөрөл аваагүй байжээ.
Манай LIVETV уг хяналт шалгалтын талаар энэ сарын 19-нд 10:00 цагаас НМХГ-ын холбогдох албаны хүнээс тодруулга авч эргэн мэдээллэх болно.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.