Хүүхэд усанд осолдож, угаалгын машинд гацсан гэх дуудлага мэдээлэл иржээ
Онцгой байдлын ерөнхий газарт ахуйн гал түймрийн зургаан дуудлага мэдээлэл иржээ. Дорнод, Булган аймагт ой хээрийн дуудлага ирж, өнөөдрийн байдлаар цурманд оруулан унтрааж байна.
Түүнчлэн энэ сарын 22-ны өдрийн 17:00 цагийн орчимд Булган аймгийн Сэлэнгэ сумын Таримал багийн 1 дүгээр гудамжинд амьдардаг Э /4 настай, эрэгтэй/ Сэлэнгэ голын эрэг дээр тоглож байгаад усанд осолдсон байж болзошгүй тухай дуудлага иржээ. Ингээд эрэн хайх аврах ажиллагааг нийт 69 хүн, 18 автомашинтай зохион байгуулж байна.
Нийслэлийн Хан-Уул дүүргийн 1 дүгээр хорооны 20 дугаар байранд Иргэн А /3 настай, эмэгтэй/ тоглож байгаад угаалгын машины сэгсрэгчинд ороод гарч чадахгүй байна гэсэн дуудлагыг гуравдугаар сарын 22-ны өдрийн 19:06 цагт хүлээн авсан. Нийслэлийн Онцгой байдлын газрын Аврах ангийн 6 алба хаагч, 1 автомашинтай 3.5 км зам туулан 19:11 цагт очиж эсэн мэнд гаргаж ар гэрийнхэнд нь шилжүүлэн өгсөн.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.