Хуулиар хориглосон хугацаанд загас барьсан хэргийг илрүүлэн шалгаж байна
Сэлэнгэ аймаг дахь Цагдаагийн газраас “Загас” хэсэгчилсэн арга хэмжээний хүрээнд эргүүл хяналт шалгалтаар ажиллах хугацаанд буюу 2020 оны 04 дүгээр сарын 25-ны өдөр Сүхбаатар сумын 1 дүгээр баг Орхон голоос дөрвөн иргэн, нэг тээврийн хэрэгсэлтэйгээр хийлдэг завь ашиглан хуулиар загас барихыг хориглосон хугацаанд дөрвөн төрлийн 30 ширхэг загас барьсан үйлдлийг илрүүлэн шалгалтын ажиллагаа явагдаж байна.
Хуулиар хориглосон хугацаанд барьсан 30 ширхэг загасыг холбогдох мэргэжлийн байгууллагатай хамтран голд буцаан тавих ажлыг зохион байгуулж ажиллалаа.
Загасны үржлийн үед нь халдаж агнавал тухайн төрөл зүйл устах аюултай байдаг тул үржлийн үе буюу 04 дүгээр сарын 01-нээс 06 дугаар сарын 15-ны өдрийг хүртэлх хугацаанд загас барихгүй байхыг АНХААРУУЛЖ байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.