Мумбай хотыг Нисарга хар салхи чиглэн ирж байна

Энэтхэг улсын баруун нутгийг хар салхи дайран өнгөрөх нь тун ховор тохиолдол юм. Тэгвэл баруун бүсийн Махараштра мужийн нутаг дэвсгэрт хар салхи шуурч эхлээд байна.

Тэр тусмаа 18 сая оршин суугчтай их хот Мумбайд Нисарга хар салхи шуурахаар ойртон ирж байна. Хотоос урагшаа 100 км орчимд Нисарга хар салхи цагт 110 км хурдтай шуурч хөрсний гулсалт үүссэн талаар мэдээлжээ.

Энэтхэгт коронавирусийн халдвар тархсан бөгөөд хар салхинаас урьдчилан сэргийлэх ажлын хүрээнд нам дор байрлалтай нутаг дэвсгэрээс 100,000 гаруй иргэнийг нүүлгэн шилжүүлж байна. Тэдгээр иргэдийн дунд коронавирусийн халдвартай өвчтөнүүд байгаа юм.

1948 оноос хойш 70 гаруй жилийн хугацаанд Мумбай хотын орчимд хар салхи шуураагүй байна. Нисарга Арабын тэнгисээс чиглэн иржээ.

Өнгөрсөн долоо хоногт Амфан хуй салхи Баруун Бенгалын бүс нутаг, Бангладешийн эргийг дайран өнгөрч 90 орчим хүн нас барж, 13 тэрбум гаруй ам.долларын гарз хохирол учруулсан юм.

Эх сурвалж: ВВС, CNN