Б.Баатархүү: Гал алдсан байж болзошгүй таван хүнийг шалгаж байна
ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү "Улсын их дэлгүүрт 2020 оны зургадугаар сарын 07-ны өдрийн 16 цаг 47 минутад гал гарч эхэлсэнтэй холбогдуулан цагдаагийн 138 алба хаагч, 55 тээврийн хэрэгсэлтэй обьектыг хамгаалтад аваад байгаа юм. Харин 86 алба хаагч албаны бэлэн байдлыг ханган ажиллаж байна.
Цагдаагийн байгууллагын алба хаагч нар, Онцгой байдлын ерөнхий газрын алба хаагч нартай хамтран ажиллаж, шуурхай арга хэмжээ авсны үр дүнд галыг бүрэн унтраагаад байгаа юм.
Галын шалтгаан нөхцөлийг мэргэжлийн байгууллага эцэслэн, тогтооно. Цагдаагийн байгууллагад гал дээврээсээ гарсан тухай мэдээлэл ирсэн. Шалтгаан нөхцөлтэй холбогдуулж, гэрчүүдийн мэдүүлгээр гал алдсан байж болзошгүй таван хүнийг шалгаж, тайлбар мэдүүлэг авч байна. Дотор бэртэж гэмтсэн, амь насаа алдсан хүн байхгүй. Галыг бүрэн унтраасны дараа хэргийн газрын үзлэг, шалгалтыг хийнэ" гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.