Премьер лигийн тамирчид өвдөг сөхрөн, арьс өнгөөр ялгаварлах үзлийг эсэргүүцлээ

Дэлхийн даяар сая сая үзэгч удаан хүлээсний эцэст эргэн ирсэн Английн Премьер лигийн лхагва гарагийн тоглолтын өмнө Астон Вилла болон Шеффилд Юнайтед багийн тоглогчид өвдөг сөхрөн, “Black Lives Matter” арьс өнгөөр ялгаварлах үзлийн эсрэг хөдөлгөөнийг дэмжиж буйгаа илэрхийллээ. Уг тоглолтын дараа өрнөсөн Манчестер Сити болон Арсеналын халз тулаан ч мөн адил дүр зургаар эхэлсэн юм.

Лхагва гарагийн тоглолтод оролцсон дөрвөн багийн шүүгчид, дасгалжуулагчийн багийн гишүүд мөн адил өвдөг дээрээ сөхөрсөн бөгөөд бүх тоглогчид өмсгөл дээрх нэрээ “Black Lives Matter” гэсэн үгээр сольсон байв. Түүнчлэн үзэгчгүйгээр өрнөсөн уг хоёр тоглолтын эхэнд цэнгэлдэх дотор байсан бүх хүн коронавирусийн тахлын улмаас амиа алдсан хүмүүсийн гэгээн дурсгалд зориулан нэг минут чимээгүй байж, хүндэтгэл үзүүлжээ.

Өмнөх өдөр нь Сити болон Английн шигшээ багийн од Рахим Стерлинг бусад томоохон хөлбөмбөгчдийн хамт дуугаа нэгтгэн, өнгөт арьст хүмүүст хандах байдал нь тэдгээр хүмүүсийг ядрааж байгаа талаар тайлбарласан юм.

Харин энэ бүхний талаар Их Британийн Соёлын нарийн бичгийн дарга Оливер Довден “Премьер лиг эргэн ирж, дэлхийн хүмүүс харж байх болно. Энэ бол их бэлгэдэлтэй явдал” гэв.

Эх сурвалж: CNN