LIVE: Алтанбулаг боомтоор орж ирсэн ОХУ-ын жолоочоос халдвар илэрчээ
ХӨСҮТ-ийн Ерөнхий захирал Д.Нямхүү улсын хэмжээнд хийгдсэн коронавирус илрүүлэх шинжилгээний хариу болон эмчилгээний талаар мэдээлэл өглөө.
Тэрбээр "2020 оны есдүгээр сарын 18-20-нд буюу сүүлийн гурван өдөрт улсын хэмжээнд 1,749 хүнд шинжилгээ хийхэд нэг хүнд коронавирус илэрсэн. Түүнчлэн сайн дураараа 59 иргэн коронавирусийн халдварын шинжилгээ хийлгэхэд илрээгүй.
Есдүгээр сарын 17-нд Алтанбулаг боомтоор орж ирсэн ачаа тээврийн жолоочийн шинжилгээнд халдвар илэрсэн бөгөөд энэ хүн 50 настай эрэгтэй, ОХУ-ын иргэн. Ингээд Монгол Улсад батлагдсан тохиолдол 312 боллоо.
З12 хүнээс 302 нь эдгэрсэн бөгөөд 286 хүний ажиглалт, тандалтын хугацаа дууссан. Сувилалд 8, гэрийн ажиглалтад мөн 8 хүн байгаа. Өнөөдрийн байдлаар эмчилгээнд байгаа 10 хүний биеийн байдлыг үнэлбэл 7 нь хөнгөн, 3 нь хүндэвтэр байна" гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.