Маргаашаас Сүхбаатарын талбайн хоёр талын хөдөлгөөнийг өглөөгүүр хааж жагсаж магадгүй
Маргааш буюу 11 сарын 5-ны даваа гаригаас баасан гариг хүртэлх тав хоногийн хугацаанд өглөөний 08 цагаас 11 цагийн хооронд Сүхбаатарын талбайн хоёр талын урсгалыг хааж иргэдийн тайван жагсаал зохион байгуулж магадгүй боллоо.
2018 он гарсаар шатахууны үнэ таван удаа нэмэгдээд байгаа. 1660 төгрөгт хэдэн жил "барьсан" шатахууны үнэ Ерөнхий сайд У.Хүрэлсүхийн "Шатахуун дээр хүчээр барих асуудал байхгүй" гэсэн утгатай мэдэгдэл хийснээс хойш хяналтгүй өсөж байгаа. Шатахууны үнэ өсөхөөр такси, жижиглэн борлуулалтын үнэ дагаж өсдөг ч хэзээ ч эргэн буудаггүй. Энэ нь гурван хүний нэг нь ядуу нөхцөлд амьдарч байгаа монголчуудын амьдралд хүндээр нөлөөлж байгаа юм.
Өнөөдрийн байдлаар хэрэглэгчдийн хамгийн түгээмэл хэрэглэдэг А92 шатахуун 1980 төгрөгт хүрээд байгаа зэргийг эсэргүүцэж, хэсэг залуу иргэдийг уриалж, тайван жагсаал хийхээр болжээ.
Цагдаагийн байгууллагаас энэ талаар ямар нэгэн тайлбар хийхгүй байгаа нь тайван жагсаал болж магадгүй гэж үзэхэд хүргэж байна. Иймээс маргаашаас эхлэн Сүхбаатарын талбайн хоёр талаар зорчихгүйгээр тооцож, гэрээсээ гарахыг иргэддээ сануулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.