TREND LIVE: Урвагч Э.Магнайбаяр, Ё.Бямбатогтох

Монголчууд хэзээнээс урвагчдад дургүй. Чингис хааны үед тэднийг өчиггүй цаазаар авдаг байв. Харин сүүлийн жилүүдэд намын урвагчид хуулийн цоорхойгоор төрөн гарснаар ялсан нам нэг өдрийн дотор ялагдах үзэгдэл аймаг, сум, дүүрэгт жирийн үзэгдэл болоод байна. 

Орон нутгийн сонгуульд Ардчилсан намтай эвсэл болон орсон МАХН-ын эгэл жирийн гишүүд болох Э.Магнайбаяр, Ё.Бямбатогтох нар БГД-ийн ИТХ-ын сонгуульд ялсныхаа дараа МАН-д гишүүнээр элссэн нь өчигдрийн улс төрийн дуулиант үйл явдлын нэг байлаа. Өмнө нь намын урвагчид чимээгүйхэн урвадаг байсан бол энэ хоёрын хувьд олон нийтэд хандан мэдэгдэл хийж "даналзсан" нь олны дургүйцлийг төрүүлэв.

Улмаар өнөөдөр анхдугаар хуралдаанаа хийх ёстой байсан Баянгол дүүргийн ИТХ-ын өмнөхөн Э.Магнайбаяр руу АН-ын гишүүд өндөг, гурил шидэн эсэргүүцэл үзүүлснээр барахгүй ТВ камерын өмнө алгадаж уур хорслоо тайллаа.