Барилгын гадна хөөсөн фасад шатаж байсныг бүрэн унтраажээ
Хан-Уул дүүргийн 16-р хороо Буянт-Ухаа 1 хорооллын ард баригдаж байгаа барилгын гадна хөөсөн фасад шатаж байна гэсэн дуудлага өнөөдөр 7:51 цагт нийслэлийн Онцгой байдлын газарт ирсэн.
Дуудлагын дагуу Гал түймэр унтраах, аврах 30 дугаар ангийн ээлжийн бүрэлдэхүүн очиход шинээр баригдаж байгаа 16 давхар барилгын 1,2 давхарт хөөсөн фасад шатаж байсныг, шуурхай ажиллаж галын тархалтыг 08:02 цагт дарсан байна. Гал түймэр 200мк талбайд тархсан байсан бөгөөд 08:12 цагт бүрэн унтраалаа. Гал түймэрт өртөж хүний амь нас, эрүүл мэнд хохироогүй, шалтгаан нөхцлийг мэргэжлийн байгууллагын үзлэг шалгалтаар тогтооно.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.