17-20 насны гурван залуу байшинтайгаа шатаж, амиа алджээ
Нийслэлийн Сонгинохайрхан дүүргийн хоёрдугаар хороо, Орбитын 34 дүгээр гудамжинд өчигдөр /2020.10.27/ 06.35 цагт байшин шатжээ. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 06:40 цагт очиж, иргэн Ч-ийн 10х20 метрийн хэмжээтэй байшин, 6х16 метрийн хэмжээтэй байшин, 3х12 метрийн хэмжээтэй чингэлэг, эд хогшил тус тус шатаж байсныг нэг цаг 40 минут ажиллаж унтраасан. Уг гал түймэрт 20 настай эрэгтэй С, 20 настай эрэгтэй Б, 17 настай эмэгтэй А нар өртөж нас барсан байсныг цагдаагийн байгууллагад шилжүүлэн өгсөн байна. Галын шалтгааныг тодруулахаар албаныхан ажиллаж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.