Арга хэмжээнүүд цуцлагдаж эхэллээ

УОК-оос гаргасан шийдвэртэй холбогдуулан өнөөдөр болох байсан зарим арга хэмжээнүүдийг цуцалж эхэллээ. 

Тухайлбал, 

Монгол Улсад байнгын ажиллагаатай парламент байгуулагдсаны 30 жилийн ойд зориулан хийхээр зарласан Хүндэтгэлийн хуралдаан 11:00 цагт Төрийн ордонд болох байсан ч хойшиллоо.

Гадаад харилцааны яаман дээр болох байсан эрдэм шинжилгээний хурал цуцлагдсан байна. Мөн үүнээс гадна ойрын гурав хоногт болохоор товлогдсон хэд хэдэн тоглолт, үйл ажиллагаанууд ч цуцлагджээ. 

Өнөөдөр товлогдоод байсан Нийслэлийн Засаг даргын нэрэмжит ЕБС-ийн сурагчдын "Улаанбаатар лиг" волейболын тэмцээний нугалааны тоглолтууд, хагас шигшээ, шигшээ тоглолтууд, хаалтын ажиллагаа хойшлогдлоо.

Үүнээс гадна УИХ-ын даргын 2020 оны 04 дүгээр сарын 03-ны өдрийн захирамжаар баталсан "Монгол Улсын Их Хурлын үйл ажиллагааг сурвалжлах, мэдээлэл түр журам"-ыг Төрийн ордонд дахин хэрэгжүүлж эхэллээ.

Өөрөөр хэлбэл, Төрийн ордонд сурвалжлага хийж буй хэвлэл мэдээллийнхэнд дахин хөл, хорио үйлчилж, нэг цэгээс мэдээлэл авах шаардлагатай болжээ.