С.Эрдэнэ АН-ын тамгыг хүчингүй болгуулах хүсэлт гаргажээ
Ардчилсан намын дарга асан С.Эрдэнэ өнөөдөр/2020.12.21/ Ардчилсан намын тамгыг хүчингүй болгох хүсэлтийг Улсын бүртгэлийн ерөнхий газар/УБЕГ/-т хүргүүлжээ.
Тэрээр уг хүсэлтдээ:
"Ардчилсан намын даргаар С.Эрдэнийг бүртгэсэн бүртгэл өнөөдрийг хүртлэх хугацаанд хүчинтэй хэвээр байгаа тул иргэн Ц.Тувааны ашиглаж байгаа АН-ын 11172378445 дугаар бүхий АН-ын тамгыг хүчингүй болгож, АН-ын тамгыг шинээр хийлгэх зөвшөөрөл олгож өгнө үү” гэжээ.
2017 оны 02 дугаар сарын 12-ны өдрийн Ардчилсан намын 7 дугаар их хурлын 03 дугаар тогтоолоор С.Эрдэнийг Ардчилсан намын даргаар сонгогдсоныг Улсын Дээд Шүүхийн 2017 оны 03 дугаар сарын 15-ны өдрийн 01 дүгээр тогтоолоор бүртгэсэн бөгөөд энэ нь одоо ч хүчин төгөлдөр үйлчилж байгаа ажээ.
АН-ын дарга асан С.Эрдэнэ өнгөрсөн Баасан гарагт болсон намын их хурлын үеэр одоогийн намын даргын үүрэг гүйцэтгэгч Ц.Тувааныг АН-ын даргаас чөлөөлсөн А49 дугаар тушаалаа гаргасан гэдгээ мэдэгдээд байсан юм.
Энэ удаад ийнхүү тамгаа хүчингүй болгох хүсэлт гаргажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.