БЗД-ийн хур хогийг 3 хоногийн дотор ачиж дуусгана
Баянзүрх дүүргийн НҮГ-ын ажилтнаас коронавирусийн эерэг тохиолдол илэрсэн учраас дүүргийн НҮГ бүрэн бүрэлдэхүүнээрээ ажиллах нөхцөл бүрдэх боломжгүй байгаа.
Иймээс Нийслэлийн Засаг дарга, Хотын менежерийн өгсөн чиг үүргийн дагуу Баянзүрх дүүргийн нутаг дэвсгэрт бөөгнөрсөн хур хогийг 3 хоногийн дотор ачиж дуусгахаар боллоо.
Мөн Нийслэлийн Засаг дарга, Хотын менежерийн зүгээс шаардлагатай тоног төхөөрөмж, хүн хүчээр хангахаар болжээ. Эхний ээлжинд Баянзүрх дүүргийн 12-р хорооны нутаг дэвсгэрт бөөгнөрсөн хур хогийг ачиж дуусгав. Цаашид 3 хоногийн дотор бусад бүх хороодын нутаг дэвсгэрт бөөгнөрсөн хур хогийг ачиж дуусгахаар төлөвлөжээ.
Баянзүрх дүүргийн Засаг даргын тамгын газраас хогны асуудал дээр онцгой ач холбогдол өгч ажиллахаа хэллээ. Түүнчлэн ирэх 3 жилийн хугацаанд Баянзүрх дүүргийн хоггүй болгоно гэж Баянзүрх дүүргийн Засаг даргын тамгын газрын хэвлэл мэдээллийн албанаас мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.