Амстердамын эмсийн хүрээлэнг нүүлгэнэ
Нидерландын нийслэл Амстердам хотод жуулчдыг татдаг дүүргүүдийн нэг нь эмсийн хүрээлэн юм. Тэгвэл тус хот аялал жуулчалын салбартаа хийж буй өөрчлөлтүүдийн хүрээнд улаан дэнлүүний дүүрэг буюу эмсийн хүрээлэнг хотын төвөөс холдуулахаар шийдвэрлэжээ.
Эмсийн хүрээлэнгийн оронд эротик төв байгуулахаар болсон байна. Амстердам хотын даргаар 2018 оноос хойш ажиллаж байгаа Фемке Халсема уг саналыг дэвшүүлж, улмаар дэмжигджээ. Дэ Валлен улаан дэнлүүний гудамжинд байдаг эмэгтэйчүүдэд хотын өөр хэсэгт байрлах төв рүү нүүх саналыг хүргүүлсэн байна.
Хотын даргын саналыг дэмжсэн улс төрийн намууд Амстердамд ирж байгаа жуулчид эрх чөлөөтэй, үзэсгэлэнтэй хотоор аз жаргалтайгаар аялах хэрэгтэй болохоос халаасыг нь сэгсэрдэг байх ёсгүй гэж үзжээ. Уг шийдвэрийг танилцуулахаас сар орчмын өмнө тус хотод байдаг каннабисын кафенууд гадны жуулчдад үйлчлэхгүй байх саналыг дэмжсэн юм.
Зарим нам эвслүүд дээрх шийдвэрийг эсэргүүцэж байгаа ч дийлэнх нь Амстердам жуулчдыг татдаг өнгө төрхөө өөрчлөх цаг ирсэн гэдэгтэй санал нийлжээ.
Эх сурвалж: The Guardian
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.