Дарханд зам тавихын тулд 40-50 жилийн настай моддыг устгаж байна

Хавайд мод тарихдаа “Чи ургавал, бид амьдарна"/If you live, we all live/ гэж ерөөл хэлдэг байна. Гэвч манай улсад эсэргээр нь тарьсан моддоо тайрч устгадаг жишиг тогтоод байна.

Энэ удаад Дархан-Уул аймаг руу орох хаалганы хоёр талаар үргэлжлэн тосох моддыг зам тавих нэрээр тайрч, устгаж байгаа талаар нутгийн иргэд мэдээлжээ. Дээрх модод 40-50 жилийн настай бөгөөд дахин ийм моддыг тарьж ургуулах гэж 40-50 жил алдана гэсэн үг. Гэвч энэ моддыг устгах болсон талаар Дархан-Уул аймгийн удирдлагуудын зүгээс одоогоор тайлбар өгөөгүй байна.

Өмнө нь барилга барихын тулд Туул голын хоёр га бургас, усан оргилуур барихын тулд Сүхбаатарын талбайн урдах Хонхтой цэцэрлэгт хүрээлэнгийн 1,2 га талбай бүхий 576 ширхэг гацуур, 349 ширхэг нарс модыг устгасан юм. 

Мэдээлэл хүргэхэд, манай улсын нийт газар нутгийн 10 хүрэхгүй хувийг ой мод эзэлдэг бөгөөд энэ тоо жил ирэх тусам багассаар байгаа билээ. 

.