3,200 жилийн настай сүмийн хананаас хутга барьсан аалзны дүрс зураг олжээ
Өнгөрсөн жил Перу улсын нутаг дэвсгэрээс олдсон 3,200 жилийн настай эртний шавар сүмийн ханан дээр хутга барьсан аалзыг бурханчлан тахиж зурсан байжээ. Энэ нь бороо хур элбэг орж, газар тариалан үржил шимтэй байхыг бэлгэдсэн гэж таамаглаж байна.
Шавар сүмийн 15х5 метрийн хэмжээтэй ханан дээрх зургийг зосон шар, шар, саарал, цагаан өнгийн будгаар зуржээ. Уг эртний олдворыг Ла Либертад мужийн Виругийн нутаг дэвсгэрээс олсон байна. Эндэхийн фермерийн аж ахуй эрхлэгчид авокадо, чихрийн нишингийн тариалангийн талбайгаа өргөжүүлэхийн тулд шавар сүмийн ихэнхийг нураасны дараа ханын зургийг олж, сүйтгэгдэхээс хамгаалжээ.
Судлаачид уг сүмийг Колумбаас өмнөх Куписник соёл иргэншлийн үед баригдсан гэж таамаглаж байна. Сүм голын ойролцоо байгаагаас харахад усны бурханд зориулж барьсан гэж үзжээ.
Эх сурвалж: The Guardian
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.