Элчин сайд худалдагч алгадсан эхнэрийнхээ өмнөөс уучлалт гуйжээ
Бельги улсаас БНСУ-д суугаа онц бөгөөд бүрэн эрхт элчин сайд Петр Лескуйхер эхнэрийнхээ өмнөөс уучлалт хүсчээ. Түүний эхнэр Шиан Шүэчи нь Сөүл хотын дэлгүүрийн ажилтныг алгадсан байна. Элчин сайд эхнэрийнхээ үйлдлийг байж боломгүй зан авир гаргасан хэмээн уучлалт гуйжээ.
Дэлгүүрийн ажилтан элчин сайдын эхнэрийн өмсөж орж ирсэн хувцсыг хулгайлсан байж болзошгүй хэмээн сэрдэж, шалгахыг хүссэн байна. Элчин сайдын эхнэр түүний энэ үйлдэлд бухимдан уг хэргийг хажуугаас нь харж байсан өөр нэг ажилтныг алгаджээ.
Сөүл дэх Бельги улсын элчин сайдын яамнаас 63 настай хатагтай Шиан өнгөрсөн долоо хоногт цус харваад эмчлэгдэж байгаа бөгөөд удахгүй болсон явдлын мөрдөн шалгах ажилд цагдаа нартай хамтарна гэж мэдэгджээ. Хэдийгээр элчин сайд эхнэрийнхээ нэрийн өмнөөс уучлалт гуйсан боловч дипломатын халдашгүй дархан эрхийн хүрээнд хэрэг үүсгэн шалгахгүй өнгөрч магадгүй нь Өмнөд Солонгос даяар иргэдийн дургүйцлыг төрүүлээд байгаа юм.
Эх сурвалж: ВВС
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.