Эрэн хайх ажиллагааг зургаа дахь өдрөө үргэлжлүүлж байна
Хөвсгөл аймгийн Тосонцэнгэл сум Тээл багийн Тэгш булан гэдэг газар Сэлэнгэ мөрөнд осолдсон иргэдийг эрэн хайх ажиллагаа зургаа дахь өдрөө үргэлжилж байна.
Ослын голомтод Хөвсгөл аймаг дахь Онцгой байдлын газрын дарга, хурандаа Ё.Пүрэвсүрэнгээр ахлуулсан Хөвсгөл, Орхон, Булган аймгийн Онцгой байдлын газрын Эрэн хайх аврах бүлгийн алба хаагчид, мөн Цагдаагийн газрын дарга, цагдаагийн дэд хурандаа Д.Дашнямаар ахлуулсан 15 алба хаагчийн бүрэлдэхүүнтэй ажлын хэсэг ажиллаж байна.
Ослын голомтод 2 төрлийн дрон нисгэж, орон нутгийн захиргаа болон иргэдтэй хамтран эрэн хайх ажиллагааг явуулж байна. Уг ажиллагаанд нийт 116 хүн, 20 автомашин, 4 мотоцикл, 5 морь, 5 завьтайгаар эрэн хайх ажиллагаанд оролцож байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.