Б.Жавхлан: Вакциндаа хамрагдаагүй хүмүүст халамжийн тэтгэмж олгохгүй
Засгийн газрын ээлжит хуралдаан болж, хөл хориог суллах, хоёр тун вакциндаа хамруулсан иргэдэд үйлчлэх журмыг баталсан.
Улаанбаатар хотын хэмжээнд вакцинжуулалтын идэвх буурч байгаа учраас тодорхой арга хэмжээ авах нь зүйтэй гэж шийдвэрлэсэн байна. Энэ талаар Сангийн сайд Б.Жавхлан "Вакцин хийлгээгүй иргэдэд тодорхой хэмжээний албадлагын арга хэмжээ авах нь зүйтэй гэж шийдвэрлэлээ. Тодруулбал, өнөөдрийн байдлаар хүнсний талон авдаг 47 мянган иргэн байгаагаас 29 мянга нь вакциндаа хамрагдаагүй байна. Мөн Улаанбаатар хотын хэмжээнд хүнсний талоноос бусад төрлийн халамж авдаг 211 мянган иргэн байгаагаас өнөөдрийн байдлаар 80 мянга нь вакциндаа огт хамрагдаагүй байна. Иймээс өнөөдрөс эхлэн дараагийн саруудад олгогдох хүнсний талон, халамжийг олгохдоо вакцинд хамрагдсан эсэхийг нь харгалзан үзнэ.
Харин вакцины хоёр тунгаа хийлгэсэн иргэддээ витамины багц болгож 50 мянган төгрөгийн бэлэн мөнгө олгохоор болсон" гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.