Хууль бусаар хүдэр агнаж, заар тээвэрлэж явсныг илрүүлжээ
Цагдаагийн алба хаагчид Булган аймгийн Булган сумын 6 дугаар багийн нутаг дэвсгэрт энэ сарын 27-ны өдрийн 13:30 цагийн орчимд нэн ховор амьтан агнасан зөрчлийг илрүүлжээ.
Тодруулбал, иргэн Б, М, Н, Ө нар нь зохих зөвшөөрөлгүй гурван ширхэг галт зэвсгээр, нэн ховор амьтны төрөл болох найман ширхэг хүдэр хууль бусаар агнаж хүдрийн заарыг тээвэрлэн явсныг тус аймгийн цагдаагийн газрын алба хаагчид илрүүлэн мөрдөн шалгах ажиллагааг явуулж байна.
Иргэн та хуулиар хүлээсэн үүргээ биелүүлж хууль бус ан агнуурын талаар мэдээллийг холбогдох хууль хяналтын байгууллага, эрх бүхий албан тушаалтанд нэн даруй мэдэгдэж байхыг уриалж байна.
Ташрамд мэдээлэхэд заар нь зөвхөн нас бие гүйцсэн эр хүдэрт (гирээнд) байдаг гэж ЦЕГ-ын Хэвлэл мэдээллийн төвөөс мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.