Хүүхдийн мөнгөний нөхөн олголтыг энэ сард шилжүүлж дуусна
Энэ сарын 17-ны өдөр 1,033,283 хүүхдэд Хүүхдийн мөнгөний шилжүүлэг хийгджээ. Ингэхдээ өнгөрсөн оны тодорхой шалтгааны улмаас буцсан, олгогдоогүй 6,000 орчим хүүхдийн мөнгөний нөхөн олголт хийгдээгүй үлдсэн байна.
Тэгвэл Хөдөлмөр, нийгмийн хамгааллын яам Сангийн яамтай хамтран ирэх долоо хоногт буюу энэ 2 дугаар сард багтааж дээрх нөхөн олголтыг хийхээр болжээ. Мөн энэ сарын Хүүхдийн мөнгө авах хүсэлтээ хожим бүртгүүлсэн иргэдийн олголтыг хийхээр болсон аж.
Тиймээс иргэд Ибаримтаар эсвэл Ихаламжаар хүсэлт илэрхийлсэн эсэхээ дахин шалгах хэрэгтэй юм. Тодруулбал, хүсэлт илэрхийлсэн сарууд нь цэнхэртэж харагдах бол илэрхийлээгүй нь цагаанаар харагдана.
Түүнчлэн халамжийн хэлтэс болон банкны теллер дээр ч хүсэлтээ бүртгүүлэх боломжтой юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.