Зүүнбаян-Тавантолгой төмөр зам дээр вагон унажээ
Зүүнбаян-Таван толгой чиглэлийн төмөр замд өнөөдөр/2022.03.28/ өглөө осол гарлаа.
Ослын талаар Зам, тээврийн хөгжлийн яамнаас тодруулахад "Зүүнбаян-Тавантолгой чиглэлийн төмөр замын Цогтцэций өртөө орчимд сэлгээний ажлын үед 33 хоосон чингэлгийг түрж явахад суман шилжүүлэг дээр нэг вагон замаас гарч, хажуу тийш унажээ. Одоогоор хэргийн газар дээр цагдаа нар ажиллаж байна. Ослын талаарх дүгнэлт хараахан гараагүй байна" гэв. Энэ тухай салбар яамнаас 12:30 цагт мэдээлэл хийх бөгөөд LIVETV пэйжээр шууд дамжуулан хүргэх болно.
Тавантолгой-Зүүнбаян чиглэлийн 416.1 км хэвтээ тэнхлэгийн төмөр замын бүтээн байгуулалтын ажил энэ гуравдугаар сарын 10-нд дуусаж, галт тэрэгний хөдөлгөөний зүгшрүүлэх тээвэрлэлтийг амжилттай эхлүүлсэн билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.