“Меланж” ХХК УИХ-ын гишүүн Ц.Сэргэлэнг залруулга хийхийг хүсэв
УИХ-ын гишүүн Ц.Сэргэлэн нүүрсний хулгайн асуудалд Дорнод аймгийн Хашаатын цав уурхайд хөрс хуулалтын үйл ажиллагаа явуулж байгаа “Меланж” ХХК-ийг хамааралтай мэтээр мэдээлсэн. Тэгвэл тус мэдээлэлтэй холбогдуулан “Меланж” ХХК-ийн зүгээс мэдэгдэл гаргажээ.
Тус мэдэгдэлд
Нүүрсний хулгайн асуудалд Дорнод аймгийн Баянтүмэн сумын нутагт орших Хашаатын цав уурхайд хөрс хуулалтын үйл ажиллагаа явуулж байгаа "Меланж" ХХК-ийг хамааралтай мэтээр УИХ-ын гишүүн Ц.Сэргэлэн мэдэгдэж, манай компанийн бизнесийн нэр хүндэд үндэслэлгүй халдсанд харамсаж байна.
Манай компанийн бизнесийн нэр хүндэд үндэслэлгүй халдсанд харамсаж байна. Манай компани нь 2022 онд хөрс хуулалтын ажлаа эхлүүлсэн ч бүрэн дуусаагүй, нүүрс олборлолт эхлээгүйн дээр одоогийн байдлаар нэг ч нүүрс экспортлоогүй.
Гэтэл нүүрсний хулгайн завхралд “Меланж” ХХК-ийг холбогдуулан шалгах ёстой мэтээр олон түмэнд үндэслэлгүй гүтгэлэг тараасан нь хариуцлагагүй үйлдэл болсон. Улсын Их Хурлын эрхэм гишүүн Ц.Сэргэлэн та тус компанийн талаарх мэдээллээ нягтлан шалгаж, залруулга хийнэ үү гэжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.