?LIVE: У.Цэрэнтогтох: Эрдэнэбүрэнгийн усан цахилгаан станцын бүтээн байгуулалт ирэх гуравдугаар сараас эхэлнэ

Ховд аймгийн Эрдэнэбүрэн сумын Засаг дарга У.Цэрэнтогтохтой Эрдэнэбүрэнгийн усан цахилгаан станцын бүтээн байгуулалтын талаар ярилцлаа. 

Ховд аймгийн Эрдэнэбүрэн сумын Засаг дарга У.Цэрэнтогтох: 

-Өнгөрсөн намар зам харгуй, дэд бүтцийн ажлууд хийгдсэн. Энэ гуравдугаар сараас бүтээн байгуулалтын ажил эхэлнэ. 

Манай сум 2445 хүн амтай. Хүн амын 90 хувийг өөлд үндэстэн эзэлдэг. Манайх босоо тэнхэлгийн автозамаар холбогдсон. Усан цахилгаан станц баригдсанаар орон нутгийн иргэд ажилтай, орлоготой болох, эдийн засаг тэлэх, хүн ам өсөх, дагаад аялал жуулчлал хөгжих бүрэн боломжтой гэж харж байгаа. Манай нутаг бол алтай, хангайн завсарт оршдог онцлогтой. Цамбагарав хайрхан манай нутагт хамрагддаг тул аялал жуулчлал хөгжих бүрэн боломжтой гэж хардаг. 

Бүтээн байгуулалтын ажил аль болох хурдан эхэлж, ашиглалтад ороосой гэж хүсэж байгаа гэв.