?ЧУУЛГАН: УИХ-ын гишүүдийн бүрэн эрхийг түдгэлзүүлэх асуудлыг хаалттай хэлэлцэж байна

УИХ-ын гишүүдийн бүрэн эрхийг түдгэлзүүлэх эсэх асуудлыг хаалттай горимоор хэлэлцэж байна.

Тодруулбал, УИХ-ын Халдашгүй байдлын дэд хороо хуралдаж, УИХ-ын гишүүн Т.Аюурсайхан, Д.Бат-Эрдэнэ, Н.Наранбаатар нарын бүрэн эрхийг түдгэлзүүлэх прокурорын саналыг дэмжих нь зүйтэй гэж үзсэн. Мөн өчигдөр УИХ-ын Хууль зүй, Төрийн байгуулалтын байнгын хороод хуралдаж, Халдашгүй байдлын дэд хорооны саналыг дэмжсэн шийдвэр гаргасан юм.

УИХ-ын чуулганы эхэнд УИХ-ын гишүүн Н.Алтанхуяг "УИХ-ын гишүүдтэй холбоотой асуудлыг шүүхийн байгууллага дээр нээлттэй хэлэлцэж, иргэдийн мэдэх эрхийг хангах ёстой" гэх байр суурийг илэрхийлэв.

Харин УИХ-ын дарга Г.Занданшатар нэр бүхий гишүүдийн бүрэн эрхийг түдгэлзүүлэх асуудлыг нээлттэй хэлэлцэх бололцоо байгаа эсэхийг УИХ-ын Тамгын газар судалж танилцуулахыг даалгасан юм. Гэсэн ч тус асуудалд албаны нууцад хамаарах зүйлс яригдах учраас УИХ-ын Дэгийн хуулиараа хаалттай хэлэлцэх шаардлагатай гэж Тамгын газраас мэдээлэв. 

Ингээд УИХ-ын гурван гишүүнийг түдгэлзүүлэх асуудлыг хаалттай горимоор хэлэлцэж эхэллээ.