Иргэд зөвхөн өчигдөр 76 сая төгрөгийг цахим залиланд "өргөжээ"

"Өдөрт 25-30 залилах гэмт хэрэг бүртгэгдэж байна. Монгол хүний гэнэн, бусдад итгэмтгийн занг ашиглан залилах гэмт хэргийн хохирогч болгосоор байна" хэмээн цагдаагийн байгууллагаас сэрэмжлүүллээ.

Энэ оны 10 дугаар сарын 15-ны өдөр буюу зөвхөн өчигдөр гэхэд дөрвөн иргэн нийт 76 сая төгрөгөө залилуулжээ. Тухайлбал, 35 настай, эмэгтэй Ж “Телеграмаар мөнгө өсгөх зорилгоор нийт 17 сая төгрөг залилууллаа", 34 настай, эрэгтэй А “Телеграмаар даалгавар биелүүлэх зарчмаар 41.000.000 төгрөг шилжүүлж залилуулчихлаа", 37 настай, эмэгтэй Б “Tik Tok creative center хөгжүүлж мөнгө өсгөх зорилгоор 13,631,995 төгрөг шилжүүлж залилуулсан, 18 настай, эмэгтэй Б “Та 10 сая төгрөгийн буцалтгүй тусламж авах эрхтэй боллоо” гэх зурвасаар холбогдож 4 сая 900 төгрөг тус тус залилуулсан талаараа цагдаагийн байгууллагад ханджээ.