Машины эд ангид хавчуулагдсан иргэнийг эсэн мэнд гаргажээ
Дорнод аймгийн Хэрлэн сумын зургаадугаар багт хоёр суудлын автомашин мөргөлдөж, нэг хүн автомашины төмөр эд ангид хавчуулагдсан гэх дуудлага 2025.12.15-ны өдрийн 19:48 цагт аймгийн Онцгой байдлын газарт иржээ.
Дуудлага мэдээллийн дагуу тус аймгийн Онцгой байдлын газрын Эрэн хайх, аврах ангийн алба хаагчдыг очиход иргэн У-гийн “Sai” загварын суудлын автомашин, иргэн Б-гийн “Prius-41” загварын суудлын автомашинтай мөргөлдөж “Sai” загварын автомашины жолооч У /32 настай, эрэгтэй/ нь автомашины эд ангид хавчуулагдсан байжээ. Улмаар 20:06 цагт эсэн мэнд гаргаж аймгийн түргэн тусламжийн төвд шилжүүлэн өгсөн гэж ОБЕГ-аас мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.