Домогт Барней нэг ч сет авч чадалгүй дэлхийн аваргыг орхилоо

Мэргэжлийн дартсын корпорацаас (PDC) зохион байгуулж буй дартсын дэлхийн аварга шалгаруулах тэмцээний нэгдүгээр тойргийн тоглолтууд үргэлжлэн явагдсаар байна. 

Урьд шөнө (12 сарын 17-ноос 18-нд шилжих шөнө) явагдсан тоглолтуудын тойм мэдээлэл:

• Энэ өдрийн хамгийн том дуулиан нь таван удаагийн дэлхийн аварга (WDF 1998, 1999, 2003, 2005, PDC 2007), домогт Рэймонд ван Барневельд Швейцарын залуу тамирчин Стефан Белмонтод нэг ч сет авч чадалгүй 3:0 харьцаатайгаар хожигдсон явдал байв. Урьд шөнийн дөрвөн тоглолтод 180 онооны шидэлт нийт 16 удаа гарсан ч дээр нэр дурдсан хоёр тамирчдын хэн хэн нь нэг ч 180 онооны шидэлт гүйцэтгээгүй юм. 180 онооны талаарх сонирхолтой статистик мэдээллийг ЭНД дарж үзнэ үү. 

• "The Machine" хочит Жэймс Уэйд өөрийн туршлагаа харуулж, Японы Рюсей Аземотод ямар ч боломж олголгүй 3:0-ээр буулган авлаа. Уэйд энэ жил 22 дахь удаагаа PDC дэлхийн аваргад оролцож байгаа ба одоо дэлхийн чансааны долоод эрэмбэлэгдэж буй шилдэг тамирчин юм.