Дээрээс татаастай Дэлгэрнаран

Монголын гаалийн газрын хийморийг сэргээхийн тулд чонын авд мордуулж, Хийморийн овоонд сан тавиулж, өглөөний мандах наранд уухай хадаах хэрэгтэй болжээ. 

Эдийн засгийн А ч үгүй цагдааг гаалийн даргаар тавьсны горыг амсаж, гаалийн байгууллага түүхэндээ бараг анх удаа төсөвт төвлөрүүлэх орлогоо бүрдүүлж чадаагүй. Иймд Р.Отгонжаргалыг чөлөөлж орны хүнийг нь томилсон ч нэмэгдэхүүний байрыг сольсон ч нийлбэрийн чанар өөрчлөгдөхгүй гэдэг нь болж хувирчээ.

Сонгуулийн ерөнхий хорооны даргын албан тушаалаас өөрийн хүсэлтээр чөлөөлөгдсөн П.Дэлгэрнаранг Гаалийн ерөнхий газрын даргаар тавьчихлаа. “Яана аа, цэргийн хүн, эдийн засгийн А ч үгүй хүн гаалийг удирдаж чадах уу” гэж гаалийнхан толгойгоо барин халаглаж байна.

П.Дэлгэрнарангийн хувьд Москвад цэргийн дээд сургуулийг улс төрийн ажилтан мэргэжлээр дүүргэсэн. МУИС-ийг эрх зүйч мэргэжлээр төгссөн хүн. Эрх зүйн мэдлэг нь Сонгуулийн ерөнхий хороонд хэрэг болсон юм аа гэхэд тоо, статистикттай ноцолддог гаальд хэрэг болох нь эргэлзээтэй болоод явчихлаа шүү. Нэг л өдөр “Тоон дотор үсэг шааж явна” гэж орилох вий дээ.

Иймд "төсвийн дахин тасрах байх өө" гэдэг яриа ч үнэний ортой болоод явчихлаа шүү. Яана даа хэдүүлээ!