🔴LIVE: Ардчилсан намаас Т.Доржханд, Б.Чойжилсүрэнг эгүүлэн татахгүй бол Засгийн газарт хариуцлага тооцох акц өрнүүлнэ гэв
-Сүүлийн гурван жилийн хугацаанд төлөвлөсөн байдлаар 70 гаруй их наяд төгрөгийг захиран зарцуулсан байна. Гэвч эх баригчид өнөөдрийн байдлаар нэг ч цахилгаан станцыг ашиглалтад оруулаагүйгээр барахгүй өвлийг ард иргэдийнхээ нуруунд үүрүүлж, тогийн хязгаарлалтыг хийж байна. Энэ нь үнэхээр зохимжгүй үйлдэл.
Үүнээс гадна маш их хэмжээний төсвийг захиран зарцуулж байгаа хэдий ч нийгэм, эдийн засагт олигтой өөрчлөлт гарахгүй байна. 30 гаруй сайдтайгаар "данхар" төрийг бий болгож байгаа нь Ардчилсан намын бүлгийн гишүүд шүүмжлэлттэй хандсан.
Иймд дэд сайд нарыг томилсон асуудлаа эгүүлэн харахгүй бол Засгийн газарт хариуцлага тооцох асуудлыг тавьсан.
Жижиг аж ахуй нэгжүүдийн тоног төхөөрөмж, цахилгааны хэлбэлзлээс шалтгаалаад шатаж байна. Мөн үйлчилгээний газруудад өдөрт хоёр удаа тог тасрахад өдрийн орлогын 50 хувиа алдаж байна. Б.Чойжилсүрэнгийн 100 хоногт эдгээр аж ахуй нэгжүүд тэсэж үлдэж чадах уу?
Монголын бизнесийн орчинд төр өөрөө хамгийн том өрсөлдөгч нь болсон байна. Иймд хамгийн эхэнд эдийн засгийн эрх чөлөөний тухай хуулийг баталснаар эхэлнэ гэж үзэж байгаа гэв.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.