Аарон Таугийн булхай илэрч Б.Намсрайгийн тулаан хойшлогдлоо

Өнгөрөгч амралтын өдөр Австрали улсад зохион байгуулагдсан UFC 325 эвентийг салхийг хагалан монгол тулаанч тулалдах ёстой байсан ч харамсалтай нь тус тулаан цуцлагдлаа. 

Тодруулбал: "Road to UFC" тэмцээний хөнгөн жингийн шигшээ тулаанд ялагч нь UFC холбоотой албан ёсны гэрээ байгуулах эрх авах байсан юм. Манай тулаанч Б.Намсрай жиндээ амжилттай орсон хэдий ч түүнтэй тулалдах ёстой байсан Шинэ Зеландын тулаанч Аарон Тау жингээ үзүүлэхдээ UFC-ийн домогт тулаанч Даниэль Кормьегийн ашиглаж байсан "алчуурны заль"-ийг ашиглахыг оролдсон байна. Тэрээр хөшигний ард жин үзүүлэхдээ тохойгоороо хөшигний хөндлөвч дээр тулж, жингээ хөнгөн харагдуулахыг оролджээ. Эхний оролдлогоор тэрээр 122.25 фунт (хэтэрхий хөнгөн) гэж гарсан нь комиссынхны анхаарлыг татаж, дахин үзэхэд 129 фунт буюу жингийн хязгаараас (126 фунт) 3 фунтээр хэтэрсэн болох нь тогтоогджээ. Жингээ их хэмжээгээр хэтрүүлсэн, мөн жин үзэлтийг хуурахыг оролдсон тул UFC-ийн зүгээс тулааныг шууд цуцлах шийдвэр гаргасан байна.

Аарон Тау: "Миний бие татгалзсан"

Шинэ Зеланд тулаанчийн хувьд мэдэгдэл нь нэлээд шүүмжлэл дагуулсан. Тэрээр жин үзэлтийн үеэр гарсан "булхай"-н талаар шууд тайлбар хийлгүй, ерөнхий байдлаар хандсан юм.

• Уучлалт гуйсан: Тэрээр өөрийн баг хамт олон, гэр бүл болон Б.Намсрайгаас жиндээ орж чадаагүйдээ уучлалт хүссэн.

• Шалтгаан: Жин хасах явцад түүний биеийн байдал муудаж, бөөрний үйл ажиллагаанд асуудал үүсэх эрсдэлтэй байсан тул эмч нарын зөвлөгөөгөөр зогсоосон гэж тайлбарласан.

• Дахин тулалдах хүсэл: Тэрээр энэ тулааныг заавал хийх хүсэлтэй байгаагаа илэрхийлж, "Би Б.Намсрайгаас зугтаагүй, зөвхөн бие маань зөвшөөрсөнгүй" хэмээн мэдэгдсэн байна.

Б.Намсрай жингээ амжилттай үзүүлж (126 фунт), тулалдахад бэлэн байсан ч өрсөлдөгчийнх нь хариуцлагагүй байдлаас болж тулаан хойшлогдсон юм. Одоогоор Дана Уайт болон UFC-ийн зүгээс энэхүү тулааныг урьдчилсан байдлаар 2026 оны тавдугаар сард төлөвлөж байгааг мэдээлсэн байна. Энэ удаад түүний өрсөлдөгч нь хагас шигшээд Аарон Тауд ялагдсан БНХАУ-ын Ен Шуай байх болно.