Ц.Идэрбат: Тариаланчдын урамшуулал, шатахууны хангамж, зээлийн "Хар жагсаалт"-ыг шийдвэрлэж, хөнгөлөлттэй зээлийг шуурхай олгоно
Хүнс, хөдөө аж ахуй, хөнгөн үйлдвэрийн сайд Ц.Идэрбат салбарынхаа анхны томилолтыг Дархан-Уул аймгаас эхлүүлж, хаврын тариалалтын бэлтгэл ажил болон тулгамдсан асуудлуудтай газар дээр нь танилцаж ажиллаа.
Уулзалтын үеэр тариаланчид улаан буудайн урамшууллын үлдэгдлийг шийдвэрлэх, хөнгөлөлттэй түлшний хүртээмжийг нэмэгдүүлэх, дотоодын үйлдвэрлэлийг хамгаалах шаардлагатай байгааг онцлон хэлж байсан юм. Үүнд сайд Ц.Идэрбат дэвшүүлсэн асуудлуудыг шуурхай шийдвэрлэхэд анхаарч, зохион байгуулалтын арга хэмжээг цаг алдалгүй авч хэрэгжүүлнэ гэдгээ илэрхийллээ.
2026 онд улсын хэмжээнд 633 мянган га талбайд тариалалт хийхээр төлөвлөсөн бөгөөд шаардлагатай үр, бордоо, ургамал хамгааллын бодисын нийлүүлэлтийг үе шаттайгаар хангаж байна. Мөн хаврын тариалалтад зориулан 10 мянган тонн шатахууныг литр тутмыг 3400 төгрөгөөр нийлүүлэх зохицуулалт хийж, эхний ээлжийн нийлүүлэлт эхэлжээ. Хаврын тариалалтын ажлыг саадгүй, шуурхай зохион байгуулж, намрын ургацын бат бөх суурийг бүрдүүлэх нь энэ жилийн гол зорилт юм. “Хаврын нэг өдөр намрын ургацын үнэтэй цаг” хэмээх зарчмыг баримтлан бэлтгэл, нийлүүлэлт, шийдвэр гаргалтын уялдаа холбоог онцгойлон чухалчилж байна.
Сэтгэгдэл (3)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.