Домгууд 15 жилийн дараа дахин "нүүр туллаа"

Снукер биллиардын домогт тайлбарлагч, тоглогч агсан Жон Виргогийн нэрэмжит цомын тэмцээн энэ амралтын өдрүүдэд ( дөрөвдүгээр сарын 11, 12 ) Ирланд улсад зохион байгуулагдаж байна.

Тэмцээний нэрэнд буй "Снукер 900" гэдэг нь тоглолтын үргэлжлэх хугацааг илэрхийлнэ. Энэ нь уламжлалт снукерээс илүү хурдтай, сонирхолтой формат юм:

• Хугацаа: Нэг фрейм (үе) ердөө 900 секунд буюу 15 минут үргэлжилнэ.

• Цохилтын хугацаа: Тоглогч бүр цохилт хийхдээ 20 секундын хязгаартай.

• Дүрэм: Хэрэв тоглогч алдаа гаргавал эсрэг тоглогч нь бөмбөгийг хүссэн газраа байрлуулах эрхтэй болно.

• Үр дүн: 15 минут дуусахад хэн их оноо авсан нь ялагч болно.

Тус тэмцээнд урилгаар дараах домгууд оролцож байгаа ба хагас шигшээ тоглолт дараах үр дүнгээр өндөрлөлөө. 

• Ронни О Сулливан (Дэлхийн 7 удаагийн аварга) 6:1 Стефен Хэндри (Дэлхийн 7 удаагийн аварга)

• Жон Хиггинс (Дэлхийн 4 удаагийн аварга) 6:4 Марк Уиллиамс (Дэлхийн 3 удаагийн аварга)

Тэгвэл аваргын төлөөх тоглолт өнөөдөр явагдах ба Ронни Жон Хиггинстэй, гуравдугаар байрын төлөө Марк Уиллиамс Стефен Хэндригийн эсрэг тоглох юм.